汽車玻璃被石仔擊中 戴祖儀靠龍珠擋煞

自稱是「受傷界代表」的戴祖儀（Joey），曾於兩個月內由頭傷到落腳趾尾，又試過不小心扭傷腳、踩釘等，認真黑仔。前日Joey又於IG限時動態中透露，在駕駛途中被石頭擊中車頭擋風玻璃，導致玻璃破裂，但幸好未有造成意外。她寫道︰「當前面架車碌過嚿石仔，嚿石仔高速喺我架車飛來嘅時候，我都估到不妙啦！點知你（擋風玻璃）同我真係裂咗。」

Joey昨日穿上《龍珠》圖案的上衣，留言道︰「着埋龍珠喺身，係咪就無有怕啦？#龍珠護體」看來她決心趕走衰運，而不少粉絲都留言希望Joey能得到龍珠保佑。