馬國明恨同湯洛雯合體搵真銀

馬國明昨日出席銅鑼灣以《龍珠Z》為主題的活動，馬明將與女友湯洛雯（靚湯）共度拍拖後首個聖誕及除夕，他明言希望以情侶檔接工作搵真銀：「有錢搵就最好！我聽經理人講，有商戶想搵我同靚湯，不過疫情會唔會影響啲活動取消，我就無再問。」他笑言已睇中送給靚湯的聖誕禮物：「都係啲實用嘢，但想買嗰款香港無，仲諗緊辦法。」

另外，馬明正為新劇《白色強人II》開工，他表示疫情嚴峻，劇組也加強防疫：「網上有得查確診地點，我覺得好似梗有一間喺左近咁，所以我都特別小心，戴實口罩同勤洗手。」