帶兩老遊英國 張敬軒被父親輪椅搞笑轆腳

張敬軒（軒仔）即將在英國倫敦開騷，順道帶父母旅遊，雖然張爸爸要以輪椅代步，但精神奕奕。原來今次是軒仔42年來，首次一家三口去旅行，他特別分享在白金漢宮前拍攝的全家福，期間更有不少笑料。軒仔寫道：「影完呢張相，阿老爺（張父）因為張椅係電動，所以連人帶椅轆過我隻腳。我嗌痛，然後佢問我咩事，跟住我話你轆親我。然後佢話佢feel唔到，我話唔緊要，我都feel唔到自己仲有隻腳。」

此外，軒仔的網上節目《軒公敲碗》找來深受網民歡迎的星二代李元元（lucy）任嘉賓。Lucy親自為軒仔設計早餐，將薯片、粟米粒、菠蘿、麵包、蛋及爆谷等混為一碟，軒仔見狀搖頭笑道︰「我同早餐都係無乜緣份。」最後Lucy嚷着要加益力多及茄汁豆時，軒仔立即「眼都凸」，更說︰「食完肚屙都似。」