姚焯菲望聖誕做睡寶寶

姚焯菲（Chantel）、馮允謙（Jay）昨日到杏花邨出席商場活動，獲不少粉絲到場支持，場面熱鬧。Chantel透露一直十分期待與Jay這位前輩合作，她說︰「之前佢喺節目同冼靖峰（Archie）合唱，我聽到起晒雞皮，真係好好聽，希望佢可以寫首R&B嘅歌畀我。」

Jay亦讚揚Chantel後生兼具潛質︰「Chantel外表成熟唔似16歲，好難想像佢參加《聲夢傳奇》時得14歲。」談及聖誕將至，Jay透露雖然家人及女友不在身邊，但感恩在工作中度過，不用孤單過節。而Chantel則說︰「希望聖誕可以瞓餐飽，我一日可以瞓十幾個鐘。」