自爆食多咗拉鍊卡住 Serrini王菀之開騷放笑彈

歌手王菀之（Ivana）與梁嘉茵（Serrini）合作舉行一連四場的音樂會前晚落幕。一向「多嘴」的Serrini，當晚甫出場即玩自嘲冧觀眾︰「我呢幾日喺個場碌來碌去，剛剛先發現唔見咗條頸鍊，不過到我呢個歲數，是但有人出嚟話送多條畀我，我都會話yes。今晚送鍊嗰個都有嚟，就聖誕啦，你可以送條新㗎啦！」疑似向友人施壓。

完騷後，Ivana及Serrini異口同聲指合作愉快，對於外間大讚音樂會是年度最佳之作，問及可會轉戰紅館？Ivana表示︰「合作乜嘢時候都可以，係咪年度最佳真係唔敢講，要睇好多騷先知。」問到二人有甚麼難忘事，Serrini自言其裙子曾出事。她說︰「我食多咗少少燒味飯，拉唔到拉鍊，所以樂手要不停咁奏咗五分鐘音樂幫我頂住。」