演唱會舞台斥資7位數字 王菀之Serrini 化身精靈迎聖誕

王菀之（Ivana）與梁嘉茵（Serrini）將於下月2至4日在灣仔會展舉行《AIA Presents︰Ivana x Serrini Fairy Nice To Meet You Live 2022》演唱會，兩位才女日前為演唱會拍攝海報，雙雙化身「藝術精靈」和「真美精靈」，帶歌迷進入仙境，齊齊開心迎接聖誕節。

王菀之與Serrini甫宣布開騷，三場個唱已經火速爆滿；由於買不到飛的歌迷不停要求加場，結果二人早前宣布加開第四場下午場，令歌迷十分開心。

是次演唱會花費七位數字打造「M」字形舞台，據知亦是會展首次出現M形舞台設計；觀眾入場後，就可感受Ivana和Serrini的誠意，皆因他們寧可犧牲入場觀眾人數，都要為觀眾帶來極佳的視覺效果。Serrini說：「我第一次見到設計圖，舞台好壯觀，我唔知係咪會展第一次有咁大嘅舞台，不過應該幾震憾，我都好期待真正上台嗰日會有幾興奮。」

Ivana怕着唔落精靈衫

由於演唱會臨近聖誕，她們不但以精靈打扮拍攝海報，更想跟歌迷提早過聖誕，所以希望觀眾屆時以特定dress code入場。Ivana表示︰「如果嚟睇騷，可以打扮到自己好似精靈咁，或者有聖誕感覺，我估都幾開心呀！」問到兩人在演唱會上有甚麼特別造型？Ivana說︰「係超級特別，我哋會化身好多唔同嘅精靈，充滿藝術感，只希望我到時着得落，哈哈！」

撰文︰倪小珊

美術︰梁政敏