粉絲通宵排隊 張敬軒現場「視察」籲注意安全

張敬軒（軒仔）昨日到將軍澳出席活動，期間獻唱三首歌，吸引數百名粉絲及市民圍觀，場面相當熱鬧。軒仔指這是首次現場演出新歌《賽勒斯的愛》，他形容心情十分緊張︰「好似生仔咁，始終自己對音響要求高，希望下次會唱得更加好。」

軒仔又自爆活動前一晚曾到商場「視察」，他說︰「嗰時半夜三點幾，因為我知道有好多fans嚟排隊、等派籌，我嗰陣啱啱收工，就諗住嚟勸佢哋返屋企。佢哋嚟支持自己其實係開心，亦令我體會到新一代嘅追星方法；但我最擔心佢哋嘅安全，因為之前有fans DM（私訊）我，話有一、兩位男士排隊時候曾經掂到佢哋嘅身體，所以我都希望對呢兩位男士作出警告。」

採訪、攝影︰Pauline