敖嘉年返娘家港台開咪

敖嘉年及七仙羽（七師傅）昨日到中環出席回歸活動，敖嘉年剛拍畢ViuTV新劇《野人老師》，談到在劇中跟MIRROR成員邱士縉（Stanley）及陳瑞輝（Frankie）合作，嘉年笑說：「佢哋好有自己想法，佢哋成日請大家食嘢，佢哋嘅fans亦會買小食同飲品，我都驚自己食肥咗。」嘉年表示稍後為港台主持節目，原來他初入行時曾在港台工作，今次算是重返娘家；他又透露日後跟ViuTV或再有合作，而TVB亦有接觸他，令自由身的他十分感恩。

同場的七師傅表示最近非常忙碌，除了打理生意，及後兩個月亦會開騷，加上拍攝廣告，預計收入超過七位數。提到姜濤解釋不合照及簽名原因，七師傅大讚對方心地善良，「我睇佢社交網，留意到佢好關心社會，相信佢上世係修行好耐、有好大福報嘅人。」

採訪：Pauline