遭網民亂噏蘭桂坊識老外 林芊妤鬧爆造謠者

林芊妤（Coffee）近年成功轉型做運動KOL，拍攝的運動及瑜伽片大受歡迎。雖然Coffee的IG有大批粉絲，但亦有不少haters。前日有網民突然在Coffee的IG留言指控︰「噚晚喺蘭桂坊玩得好開心，見到你同啲鬼佬，果然雞永遠都係雞。希望你快啲放生你老公！」

該網民留言兩分鐘後，Coffee火速「回敬」︰「點解你唔影相嘅？Tag我吖嘛…話說當晚係星期日，全家人出完街之後，仲同我老公喺將軍澳練車，之後返屋企同我個仔講故事瞓覺，仲M痛影咗杯奶嘅story…公信力咁低都講得出嘅，你唔好delete message（刪留言）呀！」鬼馬的她更將該網民的指控留言置頂，搞笑說︰「佢（網民）叫我放生我老公，佢係咪對我老公有興趣？啱啱同老公講完，真係得啖笑，仲反咗一下眼！」最後網民主動刪除留言。