雷有輝嘆疫情下手停口停

太極樂隊主音雷有輝（Patrick）前日與黃榕出席面包台新春團拜，Patrick笑言特意穿得紅噹噹沖喜，希望疫情盡快過去。他說︰「眼見好多老人家排隊（檢測）幾個鐘好辛苦，天寒地凍好慘呀。」Patrick坦言受疫情影響，工作大大減少，他表示︰「現場表演少咗，我都係無咗幾個騷，（損失）唔算太多…呢行其實幾慘，手停口停，好多行業呢兩年都係勒住褲頭咁過，希望盡快解開呢條褲頭帶，大家無咁辛苦。」

此外，同場的黃榕亦直言工作大受影響，所有登台及健身教練工作都全面停頓，揚言是「零收入」︰「依家都係靠積蓄生活，但都要諗辦法搵錢。」她透露正構思轉型，日前更首次直播帶貨，但需要時間儲粉絲。