《G風暴》除夕上映 古天樂貼心為演員貼膠布

古天樂（古仔）主演的反貪風暴電影系列橫跨七年，最終章《G風暴》將於本月31日上映。古仔在最後一集不但瞓身演出，還全方位投入在劇本、拍攝及演員演繹上，看到劉浩龍拍攝時擦傷手，古仔亦親自為對方貼膠布，之後更親手為張智霖（Chilam）和宣萱逐一貼膠布避免擦傷，非常細心。

Chilam與古仔識於微時，Chilam說︰「每次同古仔合作都會有唔同感覺，因為大家一齊成長；今次佢參與嘅部分更加多，見到佢好認真，好佩服佢嘅態度。」宣萱則表示︰「我本身拍電視劇居多，好少拍電影，自己有時習慣咗電視劇會誇大啲去演，但古仔會提醒我拍電影反應唔使太大，因為戲院銀幕好大，好多謝佢。」