孖「富貴KOL」雪姨睇樓 張敬軒自爆：阿媽叫我投資性玩具

張敬軒（軒仔）的網上綜藝節目《軒公敲碗》前晚推出第二集，這次軒仔化身「一日限定地產仔」，與有「富貴KOL」之稱的雪姨（容可兒）睇樓，期間雪姨不時揚言喜歡裸泳及「多人沖涼」，聽到軒仔眼擎擎。談及投資之道，軒仔透露媽媽曾叫他投資性玩具的產業，雪姨贊同說︰「你做性玩具，真係唔好嘥咗嗰個天份。」軒仔無奈問︰「你又無見過我用。」雪姨馬上「獻身」說︰「我可以輔助你。」軒仔大呼︰「喺業務上！你講清楚啲！我個心真係離一離呀。」

此外，雪姨日前於IG直播開箱名牌聖誕倒數月曆，豈料愈拆愈激動，更瘋狂爆粗高呼︰「我人生最錯今次！」原來雪姨花費了6,000多元買來月曆，但當中大部分禮品都是貼紙、磁石、書籤、電話繩等，讓她非常憤怒，更直斥這是「文具套裝」︰「我投資從來無失過手，但呢鋪輸鑊甘。」