孫慧雪離家出走 Call老公呵番自己

孫慧雪、關心妍及張美妮三位靚太在最新一集主持的節目《靚媽圍爐》中，大爆老公常犯的錯，孫慧雪自爆過去跟老公一言不合，便會離家出走，但生仔後自覺要改掉衝動性格，她說︰「有次我落到樓下，先醒覺自己係媽媽，兩個鐘後我又谷奶、又要餵BB，走都要上返屋企執嘢，但係帶埋BB走，剩係BB用具已經多到無可能搬。終於我打畀老公，叫佢落樓𠱁番我，佢死死氣落嚟，問我想點，我咪惟有死死地氣話你攬番我，攬完我就上返去，哈哈。」

張美妮則笑稱自己是staycation始祖，皆因婚前已經與老公同居，所以一吵架就無處可逃，惟有住酒店讓大家冷靜，不過現在育有女兒，已不能再「離家出走」，因為捨不得丟下囡囡。