張秀文杜燕歌玩忘年咀嘴 韓馬利想監場

鄭丹瑞（旦哥）、張秀文、蔣家旻及杜燕歌等，昨日宣傳下周一播放的無綫新劇《欺詐劇團》。旦哥在台上「投訴」劇中人人都有咀戲，連杜燕歌也咀嘴張秀文，唯獨他咀戲欠奉。旦哥說：「導演話我係男主角，用嘴講嘢就得，我圍讀嗰陣嬲到拂袖而去呀！」張秀文表示與杜燕歌在劇中大玩忘年戀：「人哋平時好少拍kiss戲，今次畀咗杜燕歌喇，咀之前佢仲向我單眼！」同場的敖嘉年大爆拍攝當日，原本杜燕歌太太韓馬利想監場，但對方因工作關係而作罷。

除了杜燕歌，張秀文透露跟蔣家旻亦有女女咀戲：「男女各有各好，唔同味道，蔣家旻個嘴性感啲，錫嗰時感覺好潤。我同蔣家旻有場戲係拍AV封面，大家都玉帛相見。」另外，《欺詐劇團》是林德信與王灝兒（JW）的首部無綫劇，林德信笑指JW拍攝時非常興奮，拍完都不捨得走，JW說：「因為我第一次拍劇，拍完最後一日都忍唔住喊。」

採訪：Pauline