C AllStar飛債纏身 釗峰叫媽媽公開搶飛

組合C AllStar將於下月24及25日舉行第三次紅館個唱，今早公開售票，而早前優先售票反應熱烈，讓四子非常開心，但同時他們卻因為飛債纏身而十分頭痛，主音釗峰更為此公開向媽媽道歉，「媽媽，如果再要飛都要上網撳呀！」Jase又祝願︰「希望大家嘅keyboard，喺今次搶飛之戰後，F5安好啦！」

由於這次是四子首次在四面台表演，心情特別興奮和緊張，他們又積極操肌準備，On仔更認真地用手指檢查釗峰胸肌，「我幫大家check下啲質地，釗峰硬咗喎，做過咩嚟？」身旁的King有樣學樣，篤完釗峰又篤On仔胸肌，再篤自己比較，然後說︰「釗峰又未夠On仔咁硬……其實大家練咗咁耐，當然會有啲服裝可以show到成果，今次無論台、燈、聲和服裝，都比我哋以往演唱會更貴更靚。」