李家鼎李泳漢︱81歲李家鼎被當人肉提款機 肥媽怒斥李泳漢「係咪人嚟㗎？」薛家燕勸：做看更都有兩萬

81歲李家鼎（鼎爺）與大仔李泳漢的父子金錢糾紛連日發酵。繼鼎爺被李泳漢當「人肉提款機」的錄音曝光後，其圈中好友肥媽（Maria Cordero）與薛家燕日前不約而同公開聲援鼎爺。肥媽怒斥李泳漢：「係咪人嚟㗎？」，薛家燕則心疼鼎爺一把年紀卻被兒子激到落淚消瘦，苦勸李泳漢應自力更生。

同場加映：

Sick問識答｜大腸鏡檢查不一定50歲才做 4大異樣速做腸鏡檢查 醫生解析照腸鏡全過程

{{hket:ul-video id="12566"}}{{/hket:ul-video}}

李家鼎李泳漢︱肥媽爆鼎爺曾哭訴來電

肥媽和鼎爺曾合作無綫飲食節目《肥媽李鼎》，肥媽在母親節前夕（9日）出席公開活動時，坦言一直知道鼎爺多年來肩負起養育大仔一家的重擔。肥媽更心痛地表示，在施明離世前，曾收到鼎爺的泣訴來電：「一個老人家打電話畀我喊，當時都唔知施明走咗，佢只係喊，咩都冇講。」她眼見好友近來日漸消瘦，大嘆「好陰功」。

肥媽表示，曾多次勸鼎爺放手，不要把所有責任攬上身，無奈鼎爺總是以一句「唉，好難嘅」來回應。

李家鼎李泳漢︱肥媽僅小學畢業 怒轟李泳漢：係咪人嚟㗎？

李泳漢在公開的錄音對話中以自己只有高中畢業，「45歲搵咩做」為由拒絕工作，甚至提出要父親拿屋契去按揭。此話一出隨即引起公憤，肥媽以自己只有小學學歷、卻憑一雙手養大整個家族的經歷反駁：

只係你唔做啫！香港都搵唔到嘢做，我都唔做啦，伸吓手就有，仲要鬧佢，我攞個屋契去按。呢啲嘢點講得？咁嘅說話，係咪人嚟㗎？

肥媽越講越激動，直斥李泳漢的行徑離譜至極，不相信有任何香港人會覺得李泳漢的行為正確。她強調，香港地只要肯做，絕不會餓死；更替鼎爺不值，激動反問：

一個老人家食得幾多？點解要捱咁辛苦啫。我哋打工就覺得好玩，佢就真係捱，放手啦，大佬！

對於會否嘗試從中調解，肥媽斬釘截鐵表示不想與李泳漢有任何傾談：「使乜勸？都45歲了，仲話自己高中學歷搵唔到嘢做？我夠得小學畢業啦！」

李家鼎李泳漢︱薛家燕心疼鼎爺老淚縱橫

同樣育有子女的「家燕媽媽」薛家燕，同樣於9日出席活動時，表示對事件感到極度難過。她坦言，看到81歲的鼎爺因為家事而老淚縱橫、日漸消瘦，感到非常心痛。薛家燕語重心長地呼籲李泳漢要體諒老父：

你要諗佢年紀大，應該要好好照顧佢，屋企應該要充滿愛心，有時快樂唔一定係用錢去解決，鹹魚白飯又係咁食。

李家鼎李泳漢︱勸李泳漢自力更生：做看更都有萬幾兩萬

對於李泳漢聲稱「搵唔到嘢做」，薛家燕完全不認同，更以實例反駁：「有手有腳，就算做看更都有萬幾兩萬一個月。」她認為只要肯努力，沒有找不到的工作，更主動表示願意為對方介紹工作，勸誡他不要坐以待斃，因為「錢唔會自己送上門」。

李家鼎李泳漢︱薛家燕睇穿鼎爺被豪仔「軟禁」：只係一個藉口

對於李泳漢指控弟弟李泳豪夫婦「軟禁」及「經濟封鎖」鼎爺，薛家燕則認為，今時今日的社會不可能發生軟禁，認為那或許只是一個藉口，「我諗佢係一個藉口，佢唔想出嚟就真！」薛家燕呼籲鼎爺放下牽掛，首要任務是保重身體，閒時多與朋友飲茶傾偈，安享晚年。