過分收埋自己令花姐激心 Ian爆MIRROR愈忙愈唔團結

人氣男團MIRROR出道兩年半，前晚12位鏡仔在ViuTV全新真人騷《調教你MIRROR》中，到梅窩宿營並接受梁祖堯（阿祖）的調教，吸引不少鏡粉追看；而今晚一集，經理人花姐（黃慧君）大爆陳卓賢（Ian）有性格缺陷，令「肉緊」他的花姐經常跟他吵架。撰文︰倪小珊美術︰梁政敏

在前晚首播的節目中，MIRROR大清早便到碼頭集合，但隊長楊樂文（Lokman）、Ian及姜濤齊齊遲到，Lokman聲稱因塞車遲足20分鐘，令花姐大跌眼鏡。12子人人推住行李箱，唯獨Ian只孭一個背囊，他搞笑指擔心要攬住行李箱跑山，所以慎防有詐。

至於今晚播出的一集將圍繞Ian，他坦言MIRROR並不如初成軍時般齊心︰「力量比起我哋成軍第一個演唱會薄弱咗。」他解釋︰「因為大家需要兼顧各自嘅工作，大家步伐唔一致。」花姐希望阿祖可以幫Ian「open up」（打開）自己，她直言Ian有幾個地方令她擔心︰「Ian令人覺得同佢有好大距離，呢個距離連我同佢都有，佢遇到問題或者唔開心都唔會講，好容易令人誤會。」花姐自爆經常跟Ian嘈交，阿祖亦覺得他太保護自己，有點難搞。

Anson Lo演出電影煞科

另外，盧瀚霆（Anson Lo）演出的電影《假冒女團》日前煞科，Anson Lo與青春演員蘇皓兒、陳紫萱及Heidi@Super Girls影大合照留念，監製Charlie Wong大讚這班年輕演員在拍攝期間發揮所長，當中不乏唱得之輩，所以監製將安排他們合唱一首主題曲，未知Anson Lo可會是其中一員。