趙學而怕蝕錢開騷一拖再拖

趙學而與黎燕珊昨日到中環出席髮型屋開幕，問學而何時再開演唱會？她坦言本來在前年11月開騷，因疫情拖到現在仍未舉行︰「一直拖緊，因為喺細場搞，就算開放到75%入座率，我都收支平衡唔到。我開兩場，要等到100%入座率先回到本，加上我自資開騷，唔想蝕錢，但又唔想拖太耐。」她搞笑稱個唱海報在前年拍攝，現在樣子已經不同。

同場的黎燕珊透露趁拍完劇的休息空檔，打了第一針復必泰疫苗，她說︰「係盡市民責任，我本來以為平日跑開步，打針之後無乜嘢，點知第二日傷口好痛又好攰。打第二針時我要開工，希望到時提早打，或者請假。」

採訪、攝影︰Pauline