羅家英憶當年攞男配角呆足2秒

羅家英日前接受楊盼盼主持的《盼你賞面》訪問，他透露參演電影《重案組》後便開拓電影事業，而94年更是他人生的高峰點，不但接拍《女人四十》、《國產凌凌漆》、《西遊記第壹佰零壹回之月光寶盒》等多套電影，又憑《女》片榮獲第15屆香港電影金像獎及第32屆金馬獎「最佳男配角」。家英哥表示︰「宣布得獎嗰刻，我呆咗兩秒，張國榮喺後面大叫『家英哥係你喇』，感覺仲好似矇查查咁，不過係開心，好記得係袁詠儀頒獎畀我，呢啲都係運氣，可以遇到能夠得獎嘅角色及電影。」

此外，家英哥透露曾投資三套電影，但至今從未放映，他說︰「留畀自己睇，第一部喺馬來西亞同徐錦江拍，第二部同關禮傑喺廣州拍，第三部就未知出唔出到，我仲想拍第四部，我已經有故事喺度。」