天雨令音響跳掣斷電 鄭中基諗定用大聲公獻唱

鄭中基（Ronald）一連三場於中環海濱活動空間舉行的演唱會前晚圓滿結束，雖然尾場全程在毛毛細雨下舉行，又兩度因音響失靈至無聲，但觀眾依然不離不棄撑足全場。Ronald邀請黃貫中擔任尾場嘉賓，兩人合唱《想你》，Ronald說︰「我出道都係聽佢嘅歌，成日諗如果有機會同佢同台演出就好喇！」

Ronald完騷後接受訪問，他透露因天雨關係令音響器材跳掣，沒料到會斷電，感謝工作人員以最快速度處理。Ronald說︰「我有諗過真係唔得，就用大聲公唱，因為有琴聲就可以唱，之後工作人員都用好多膠袋包住啲器材，估唔到第一次搞戶外騷就咁難忘。（開part 2？）下次如果有多啲時間準備會做得更好，或者揀一個唔係雨季嘅時間開騷。」他今次送飛給八間慈善團體的基層人士睇騷，三場共送出1,500張飛︰「大家開心就好，做到幾多就幾多，以後都會盡量做。」

採訪︰倪小珊

攝影︰林良明