胡子彤有樓揸手苦無女友

胡子彤、譚耀文、陳逸寧及吳海昕等，前晚到上環出席電影《二次人生》首映禮。在片中演廢青的胡子彤，現實中卻是一位成功「上車」的人生勝利組，不過他大呻有樓但沒女朋友。胡子彤無奈表示︰「搵女朋友搵到頭痕，女朋友要人品好同顧家就得，唔一定要運動健將。」問吳海昕可有介紹女生給胡子彤？她笑言︰「點解無人介紹男仔畀我呢？我對擇偶無乜要求，只要夾到價值觀一樣就得，唔使靚仔，靚仔喺戲入面過癮就OK。」

陳逸寧在片中飾演譚耀文太太，但在戲中不幸死去，譚耀文拍攝時非常感觸：「拍戲嗰時，咁啱媽咪病情惡化，令我諗番爸爸走嘅時候媽咪好痛苦，我就代入自己走嘅時候，仔女感受嘅痛苦。」

攝影︰林良明