廖啟智確診胃癌入院打仗 陳敏兒︰醫生叫老公做乜都配合

前晚爆出兩屆「金像獎最佳男配角」廖啟智（智叔）去年底確診胃癌，現已全面停工留院接受治療。智叔愛妻陳敏兒昨午探望丈夫時，指智叔積極面對逆境︰「醫生讚佢係A+病人，努力食晒一日三餐，做病人同做演員一樣咁專業！」充滿正能量。

66歲的智叔依然活躍演藝圈，前年為ViuTV演出的劇集《教束》反應不俗，他有份參演的《尋秦記》、《一級指控》等四齣電影也未上映。去年在新冠肺炎疫情陰霾下，智叔留港休息，經常跟周潤發等圈中好友跑山，生活健康。不過，前晚竟爆出智叔在去年底發現患上胃癌，曾一度病危，但他入院後未有通知朋友，低調與癌魔戰鬥，可幸近日情況好轉。智叔回應傳媒時亦直認「年紀大、機器壞」，表示「身體不適要趁早修理」。

爆智叔學懂苦中作樂

昨午，陳敏兒獨自到醫院探望丈夫，她進入私家病房前主動向傳媒交代情況。她指去年疫情下，無工開的智叔每日跑步，12月時發覺吃東西有胃脹感覺，做身體檢查後確診胃癌，即時入院治療。陳敏兒對智叔的醫治過程十分感恩︰「好好彩遇到好好嘅醫生，大家好夾，入院後醫生同家人都叫佢（智叔）加油，醫生仲讚佢係A+嘅病人，叫佢做乜都配合，醫生話一日三餐要食多啲嘢先有力打仗，智叔都好聽話，佢做戲投入，原來做病人都好專業。」陳敏兒又戲言︰「有日智叔話『今日有竹絲雞鮑魚粥，無得頂！』，我一睇原來係白粥，見佢好輕鬆，心底好佩服。」陳敏兒指醫生亦讚她與兩個兒子都是A+家屬，配合醫生同時亦滿足病人需要。

冀外界暫停電話慰問

另外，陳敏兒又說︰「近日出咗智叔嘅新聞，唔少人以電話問候同訪問，但佢要分心覆電話比較攰，醫生都話會影響養病，嚟緊我同智叔都唔會接電話。（智叔情況樂觀？）佢好積極！」其後，陳敏兒探完智叔後補充︰「佢今日（昨日）OK！（胃癌第幾期？）唔好問呢啲。」此外，前晚智叔經理人公司發聲明表示︰「智叔一向低調，不願多談私人問題，懇請各位給予尊重和空間，讓他安靜調理身體。」與此同時，多位圈中好友如周潤發、方中信等，均祝福智叔早日康復；網民亦期望智叔抗癌成功後，再戰影壇拍好戲。

撰文︰Steven

美術︰梁政敏