高海寧冀拍真人騷尋真愛

高海寧（高Ling）、張振朗昨日出席新劇《童時愛上你》記者會，高Ling、張振朗首度合演情侶，她受訪時與振朗皆表示最擔心二人的笑點太低，又怕忍不到笑而頻頻NG。另一方面，由於高Ling身形高䠷，振朗透露會穿着增高鞋配合，他在活動中亦穿上三吋增高鞋亮相。振朗自爆在劇中經常要除衫，身旁的高Ling立刻派高帽︰「Oh my god！佢真係好fit，啲綫條靚到呢！」

振朗透露，早前拍《拳王》已因操fit而戒口，煞科後已經回復正常食量，現在拍攝新劇再度除衫，又要重新操fit。此外，提到無綫高層人事變動，高Ling表示時會主力拍劇︰「其實我希望能夠帶畀香港人更多歡樂。（會否有期望？）我反而想拍真人騷，好似陳喬恩都係因為拍真人騷而認識到另一半，覺得好好玩。」她更希望有機會拍荒島求生的節目。張振朗亦想拍攝刺激的節目，向高難度挑戰，玩極限運動。

採訪︰Pauline