英國疫情急速惡化 徐榮囝囝繼續留港︰可能改用Zoom上堂

近日英國疫情出現新變種病毒株，很多藝人安排子女到英國留學，可幸大部份「星二代」早已返港。徐榮長子徐朗在白禮頓就讀的中學有校工確診，故短期內未必返英。徐榮向《晴報》表示︰「當地年輕人都唔戴口罩，所以囝囝返咗嚟都安心啲！」森美回覆本報時，亦指大仔梁曦樂將會推遲返英︰「佢要應付當地A-Level考試，睇下會唔會取消。」

英國疫情嚴峻，新冠病毒變種令傳染性更高，倫敦等周邊地區要封城。香港亦由今日凌晨零時起，已停飛英國來港的載客航班，此舉牽連甚廣。很多目前在港放聖誕假期的留學生，原本已安排返英日子，但都決定更改行程。

徐榮囝囝徐朗在英國就讀寄宿學校，他早於11月已經返港，留港逾一個月，本來打算明年1月10日返英，如今也未必成行。徐榮稱︰「佢嘅學校所在地白禮頓開始增多確診個案，就讀嘅學校都有一個校工、一個學生嘅家人受感染。雖然當地與倫敦有一段距離，但疫情似乎已逐步擴大！」

靠電郵了解學校安排

徐榮表示囝囝上月返港後，英國的疫情才開始轉差，留港亦可以令家人安心。徐榮又表示︰「聽囝囝講當地好多人，包括年輕人都唔戴口罩，啲同學仲會反問佢（囝囝）點解要戴！」他坦言學校每日也有透過電郵向家長交代疫情及學校防疫措施，其他如德國、澳洲等學生亦早已回國，稍後可能會用Zoom繼續上堂。

問及徐朗現時心情，徐榮感觸道︰「囝囝好想返英國，佢想繼續代表學校踢當地校際足球聯賽，好珍惜呢啲機會。佢之前提早回港跟傑志U14練波，點知香港又封咗場地，現時只有練跑和跳繩。（停飛航班打亂返英行程？）疫情隨時變都無辦法，大家都要跟政策去做。」

森美怕囝囝錯過A-Level考試

另一位星爸DJ森美，大仔梁曦樂於上月尾返港，早前剛完成隔離程序，前日可以三代同堂提早食冬至飯。森美說︰「囝囝的學校位處英國西北部較偏遠地區，因此唔算太擔心，佢原本打算1月頭返英國，但按現時情況，佢暫時唔會返去，不過佢嚟緊要應付當地A-Level考試，睇睇有關方面會唔會取消！（慶幸囝囝已經返港？）無乜諗，疫情下只有見步行步！」

此外，梁芷珊女兒羅樂桐的大學位於倫敦市中心，但囡囡早在上月中已返港，梁芷珊稱︰「個女早咗放聖誕假，之前佢間學校宿舍都有人確診，個女有用Zoom上堂，所以都唔太擔心學業。佢無買定回程機票，因為之前改機票改咗好多次，等疫情降溫才買。」梁芷珊對政府忽然宣布停飛英國來港航班感突然︰「我都替很多家長擔心，好多學生都要臨時改機票！」

撰文︰Pat、Steven

編輯︰陳禮恒

美術︰梁政敏