邀好友提早開聖誕P 蔡一傑貼心送蝦頭「有機M巾」

蔡一傑（傑少）今年開始做「教煮」，在YouTube主持自家烹飪節目《傑少煮意》，頻頻po片與粉絲互動。早前他邀請伍詠薇（伍姑娘）、周汶錡（Kathy）等圈中好友開聖誕派對，更大送女性恩物「有機M巾」做聖誕禮物，有心思得來又實用。

蔡一傑當上YouTuber後，經常收到好友詢問何時邀約他們當節目嘉賓，皆因可以乘機品嘗他炮製的美食。有見及此，傑少日前誠邀四位女性好友伍詠薇、周汶錡、阮小儀及蝦頭（楊詩敏）出席聖誕P，更預備多款菜式給她們品嘗。

傑少說︰「《傑少煮意》話咁快就一周年，好多朋友都想嚟同我一齊玩，試下我嘅手勢，所以趁聖誕我特別拍呢輯聖誕party節目。」傑少表示粉絲看過由他精心設計的菜式後，仍有足夠時間買食材及練習，在聖誕時留家中抗疫，仍可大歎節日美食。他又感觸說：「雖然我煮嘅都係家常便飯，但重點係希望大家真係可以學到點煮，令大家生活更圓滿！」

伍詠薇收口罩

傑少又準備聖誕禮物給四位好友，他特別為蝦頭「度身訂造」驚喜禮物，送上他精挑細選的「有機M巾」，伍姑娘見狀竟然想強搶M巾，幸好蝦頭成功死守禮物。蝦頭搞笑說：「佢（傑少）知我重有得嚟（月經），阿姐（伍姑娘）你唔好搶！」至於伍姑娘則收到口罩做禮物，蝦頭繼續「狙擊」伍姑娘說：「傑少送口罩有寓意㗎，就係唔想你同人咁多爭拗！」氣得伍姑娘哭笑不得。

撰文︰Steven

編輯︰李潔盈

美術︰梁政敏