為保靚仔樣 鄭少秋揸實反光板拍騎馬戲

阮兆祥及黎耀祥日前在主持的節目《雙祥見》中，大爆圈中人拍戲時的搞笑趣事。黎耀祥透露演慣大俠的鄭少秋向來有型有款，原來秋官力保靚仔樣有妙法。黎耀祥說︰「秋官拍古裝片時要拍騎馬戲，但燈光部同事唔可以騎馬揸住反光板。但秋官好注重形象，所以發明咗一個方法，就係佢每次拍騎馬戲，都會一邊騎馬，一邊自己拎住反光板！」

黎耀祥非常佩服秋官一邊騎馬一邊演戲，皆因難度非常高，而且大部分前輩演員都精於騎術，現在已鮮有懂得騎馬的演員。