陳凱琳為細仔舉行百日宴

鄭嘉穎、陳凱琳（Grace）的細仔鄭承亮（Yannick）出世滿100日，兩夫婦日前特別為Yannick在家中舉行火鍋百日宴，龔嘉欣、劉穎鏇等亦有到賀。Grace昨午在社交網上載百日宴照片，細仔肥嘟嘟非常可愛，Grace更留言︰「鄭承亮就代表光亮，願你的生命充滿愛和亮光。願你繼續健康、被愛、被祝福，直到永遠！」

忙於湊B的Grace昨午接受《晴報》電話訪問時稱︰「我覺得Yannick的一雙眼仔似我，因為夠圓夠大，但個樣都好男仔嘅，所以佢個樣似爸爸。」快將兩歲的哥哥鄭承悅（Rafael）可有呷醋？Grace回應︰「哥哥好好，佢好錫細佬。（湊兩個小朋友很辛苦？）都唔算辛苦，大仔已經返學，係會忙啲，但我好享受同兒子相處嘅時刻。」