陳蕊蕊自爆有追求者

陳蕊蕊、張若錡（Angus）昨日在尖沙咀出席《亞洲電競賽車錦標賽》，問到蕊蕊是否擅長打機？她笑言平日亦愛打機，不過玩得投入時也不會爆粗，她表示︰「之前試過用錢買武器，但喺遊戲入面唔小心跌咗件武器，我覺得好嬲。（平時打機會花幾多錢課金？）我都係幾個月加埋用咗萬幾蚊，其實都算有節制嘅。因為試過之後棄game，諗起之前花嘅數目，就會覺得好浪費，所以我依家只會每個月用幾百蚊就算，當係支持下遊戲設計者。」

至於身旁的張若錡，坦言以前打機經常課金，大約每個月花費一萬元，但會覺得浪費金錢，目前已減少打機。問到兩人可會介意男友掛住打機？蕊蕊表示認識中有一位男性朋友，都不會太浪費時間在打機上，問到這個追求者已變成男友嗎？她笑言仍在了解中，從打機時亦了解到其性格，跟他都幾夾得來。

採訪︰Pauline

攝影︰林良明