《歎息橋》口碑收視俱佳 林保怡籌拍3部港劇

林保怡昨日到電台宣傳其監製及主演的ViuTV新劇《歎息橋》，對於該劇開播個多星期，口碑及收視俱佳，保怡坦言最開心是吸納到20至40歲的觀眾，他說︰「呢個年齡嘅觀眾仲會教父母睇劇，成為一家人嘅話題，係好好嘅親子活動，睇呢套劇個頭腦要好清晰。（收視好會賣埠？）呢啲由ViuTV去傾，我只係負責製作，亦無分紅，不過有東南亞地方的記者搵我做訪問。嚟緊籌備緊三部港劇，會出埠拍攝，不過嗰劇本十劃得四撇。（有機會嘗試外闖發展？）我堅守製作港劇，而港劇元素唔再係開槍、飛車同直升機，可以有思考性，加上拍攝同燈光效果，令觀眾體驗不一樣嘅港劇，今次自監、自演，我好享受。（增加人手創造就業機會？）我係保持開放態度，最重要帶出新思維同視點。」