洪永城介紹筍盤畀湯洛雯

洪永城（Tony）、湯洛雯（靚湯）及劉思希等，昨日出席劇集《丫鬟大聯盟》宣傳活動，有指Tony將與女友梁諾妍展開同居生活，他即表現得眉飛色舞。身旁的靚湯卻趁機「投訴」，說Tony答應為她介紹好兄弟，可惜一直無下文。

目前TVB黃金時段的兩綫劇《丫鬟大聯盟》及《黃金有罪》都由洪永城孭飛，記者笑問他可擔心觀眾睇到厭？Tony即表示幸好不是同一年代，再問及女友會否睇到厭？Tony笑謂︰「因為忙於宣傳，最近的確少見咗（女友），但最緊要觀眾唔好睇厭。（梁諾妍已接受同居？）其實一向都有呢個計劃。」

說罷，Tony便借故扯開話題，指着身旁的湯洛雯大讚：「佢（靚湯）唔止係好丫鬟，仲係好老婆。」仍是單身的靚湯即向他「投訴」沒有為她介紹好兄弟，Tony即說兌現承諾做媒人，物色筍盤給她。靚湯坦言許多朋友都主動介紹男仔給她，「年年都話我紅鸞星動，從來唔會話我無桃花，今年仲話我有喜事，不過我唔心急拍拖。」此外，《丫》劇播出後，主角黃心穎亦再度活躍社交網站，Tony認為應該給她時間好好休息，並爆料稱心穎有在劇集群組留言祝大家新年快樂。

劉思希飛擒大咬

劉思希在劇中採取主動色誘謝東閔，成為網民熱話，思希表示：「拍攝時唔覺得自己去到咁盡，原來自己咁放，好開心觀眾鍾意，其實『鹹濕小姐』幾可愛。（你本人係咪咁鹹濕？）鹹濕係人嘅本能，唔多唔少都有，我個角色之後會去得再盡啲。」靚湯都附和說：「我都鼓勵女仔要主動啲。」

撰文︰Pauline

編輯：陳禮恒

美術：梁政敏