倒轉唱歌濕身淋雨 陳明憙高難度拍MV

陳明憙（Jocelyn）早前攀山越嶺為拍《遊樂》MV而迷路兼小腿受傷，今次拍《天使禁獵區》MV更濕身上陣，要全身濕透之餘，亦被導演考起。

Jocelyn以為今次MV在錄影廠拍攝可以較舒服，誰知導演的要求卻考起她。「首先係要我對住鏡頭寫字，要反轉來寫，觀眾先會睇到、估到係咩字。」埋位前，Jocelyn不斷練習，希望大家睇MV時能夠估到這個「秘密」。

過完一關，導演要求Jocelyn倒轉唱歌，同時還要濕身淋雨，她說︰「因為想表達逆轉時間嘅感覺，導演會用一個倒鏡嘅手法拍攝，啲雨會由地面升上嚟，而我就要倒轉啲歌詞唱。」雖然只需做口形，不用真唱，但Jocelyn聽着短短兩句歌詞也幾乎崩潰，「調番轉嚟聽，感覺好奇怪，我曾經聽人講，將首歌調番轉嚟聽，會聽到啲恐怖信息。」到正式埋位已是凌晨時分，一邊淋雨、一邊倒轉唱的Jocelyn沒半句怨言，反而是導演一直擔心她辛苦，不斷說「唔好意思」。

包辦7首歌作曲

Jocelyn說︰「拍MV嗰個禮拜，一直忙緊新專輯嘅工作，拍攝當日我朝早坐飛機由北京返香港，成個禮拜加埋瞓得八個鐘左右，但每次投入工作，都會唔識攰。呢張概念專輯七首新歌，自己全都有份作曲，有時寧願犧牲休息時間，將最好嘅音樂帶畀歌迷。」

撰文︰Pauline

編輯：黃卉彤

美術：梁政敏