私房菜開幕 李家鼎舉家力撑

李家鼎（鼎爺）承接節目《阿爺廚房》氣勢，決定開私房菜，昨日鼎爺官仔骨骨現身銅鑼灣的「鼎爺私房菜」，紅顏知己「李師奶」及其女兒和孫女，還有鼎爺一對孖仔齊齊現身主持開幕儀式。

由鼎爺主理的「鼎爺私房菜」昨午舉行開幕儀式，除了前妻施明外，一對孖仔以及紅顏知己李師奶（鼎爺所稱）及其女兒和孫女都有現身，不過影大合照時，一對孖仔互相對望，直至鼎爺示意合照，孖仔才施施然企埋合照，現場氣氛亦算相當融洽。

問到鼎爺是否為開幕而失眠？他坦言︰「唔係開心到瞓唔着，係無得瞓呀！上個禮拜仲裝修緊，原本天文台話今日會掛八號風球，今次真係多謝老天爺。」原來鼎爺直到開幕前一晚，他還親自下廚，招呼兩圍約30人。「其中一道古法蒸金邊方脷，我都係同賣魚打關係先拎到貨，有錢都未必買得到。」鼎爺不諱言每日做足15個鐘，辛苦過拍劇。現時訂位已訂到農曆年，約八成客人都要他親自下廚，估計還要向無綫請多兩個月假。

屋企人訂位都要排隊

談到現時專注私房菜生意，豈不是無時間陪家人？鼎爺帶笑反問︰「食鹹魚青菜好咩？（家人嚟食飯有無着數？）兩個仔同李師奶嚟食飯都要排隊，價錢仲要照計。」當記者問到鼎爺，是否未與女伴註冊？他直認不諱︰「所以咪叫李師奶囉！係咪要註冊？」鼎爺認為保持現時的關係也不錯，彼此互相扶持。

採訪︰Pauline

編輯︰林梓添

設計︰梁政敏