軒仔MV極罕錫女仔一Take過

十月剛出新碟《Vibes》的張敬軒（軒仔），日前為收錄於碟內的新歌《風起了》拍攝MV，MV中出現許多軒仔和女主角過去的甜蜜片段，其中軒仔更罕有地有接吻戲份。原本自覺會應付自如的他，得悉一開機就先拍接吻戲，顯得有點手足無措。「女主角同我只係第一次見面，一早打咗聲招呼就要上梳化kiss，所以錫嘅時候我都緊張到個腦一片空白，不過可以一take過搞掂，好順利！」

軒仔笑言導演找來年輕女模特兒當對手是驚喜之一。「導演莊少榮跟我合作嘅次數多不勝數，佢偏愛睇起來比我成熟嘅女演員，今次揀咗一位少女，對我來說感覺好新鮮。」