同屆冠軍張名雅結婚 朱千雪冇收過帖

2012年度港姐張名雅下嫁律師男友，本周五舉行婚宴。同屆港姐朱千雪當年因為公眾投票server死機，有說因此造就了張名雅爆冷奪冠，更傳出二人不和。朱千雪直認沒有收到對方的喜帖，隨即爆出一句：「可能唔夠位啦！」

朱千雪、岑杏賢昨日出席明珠台節目《地球的邊緣2》宣傳活動，千雪透露剛完成碩士課程，父母從加拿大返港過中秋。對於張名雅即將出嫁，千雪笑了笑說：「佢冇請我呀。（同屆喎！）可能唔夠位啦。（你哋仲有冇聯絡？）選完之後好少聯絡，之前有一齊拍劇，人哋請飲有人哋嘅權利。（認同佢閃婚？）咁佢又未必係閃婚，只係冇通知大家啫。」

此外，千雪認為學習知識總有用，考慮修讀博士課程，但一切未落實，她解釋：「要同公司傾，事關年尾會開劇，就算讀書都要同工作兩邊兼顧。」擁有如此高學歷，不怕嚇跑追求者嗎？千雪表示：「唔關事，追我係講心，唔講學歷。（有冇追求者？）有嘅，係圈外人，正常人囉，我感情生活低調，有消息會同大家宣布。」

杏賢讚男友人氣升

岑杏賢男友袁偉豪在《城寨英雄》的演出備受讚賞，杏賢也替男友人氣急升而高興，她透露差不多一個月沒見男友了，因為他經常飛外地登台。問到會否介意？她謂：「都係開心事，佢捱咗咁耐依家有咁多人鍾意和認同，令佢自信心加強，對日後工作有幫助。」袁偉豪在劇中有多場打戲，引致周身傷，杏賢承認替他感到心痛，她自爆：「佢有兩隻腳趾甲反咗，（腳甲）黑咗成年先有新甲生番出嚟。」

採訪：Pauline

編輯：陳禮恒

設計：梁政敏