挑戰《跨界歌王》捱批 杏兒投入唱無理囧樣

胡杏兒早前參加北京衛視的歌唱比賽節目《跨界歌王》大騷歌藝，首次出場演唱《Someone Like You》順利過關，在最新一集中挑選高難度歌曲《愛如潮水》，高音部分立即出事，更唱至面容扭曲，令網民立刻聯想到其招牌「囧」樣再現。杏兒昨日出席活動時揚言，在參加完下一輪賽事後不會再唱歌。

杏兒剛與老公Philip去完蘇梅島旅行返港，昨日被問到她在《跨界歌王》中的演出遭受批評，她坦承表現失準：「今次係發揮得唔好，自己好緊張，有少少怯場。」不過她強調並未出局，只是不能升級，仍要繼續唱；她解釋今次是跨界形式參賽，否則都不敢出賽，對於外間劣評如潮，她坦承揀錯歌，加上面對評判較緊張。問她為何不挑選容易駕馭的廣東歌？杏兒表示大會對揀歌比較嚴謹，她揀了幾首歌給大會挑選，最後他們揀了這首多人熟悉又有難度的歌給杏兒唱。

提到她演繹歌曲時令人聯想到其招牌囧樣，杏兒無奈表示，「都唔係第一次，我都唔知自己咁投入去唱，好難顧住靚唔靚，我會盡量改善。」問到會否後悔參賽？她表示不會，反正甚麼都去試。今次參賽會否打沉了她唱歌的信心？杏兒即表示：「我唱歌唔係咁叻，我經常怯場，以前出碟，唱Live都好緊張，（獻醜不如藏拙？）參加完比賽就唔會再唱，都冇乜機會再唱歌。（即係決定封咪？）又唔使封咪咁嚴重，我又唔會再出碟。」

Kary停工唔出碟

同樣是放完大假的吳雨霏（Kary），休假期間盛傳懷孕，但見她出席活動時身形依然纖瘦，她重申並沒有懷孕，她說：「停工只係今年唔出碟，入行14年好想休息下，亦好感激公司體諒。（休假期間會否計劃造人？）順其自然啦，目前仍享受二人世界。」

採訪：Pauline

攝影：林良明

編輯：林梓添

設計：梁政敏