網上演唱會

新冠肺炎疫情下，很多演唱會都取消了。好彩最近開始出現網上演唱會，令大家可以安在家中都可以睇到精采表演！

4月12日許冠傑在海港城的直播演唱會引起全球華人熱話，有超過640萬人收看。外國歌手也不遑多讓，意大利男高音Andrea Bocelli的復活節直播演唱會就吸引了280萬人同時收看，該直播在米蘭進行，平時多人多到針插不入的街道，只剩下Andrea Bocelli一人演唱，真令人難過。之後4月19日又有Lady Gaga演唱會，一時之間突然有好多節目可以睇！

網上演唱會有不少好處。不用搶票，看演唱會時不用怕被「高人」擋住視綫，散場又唔使同人逼。相信在疫情過後，網上演唱會會逐漸成為正式表演途徑。

收到朋友傳來的信息，原來陳志雲都準備4月24日開網上演唱會啦！記得以前曾經現場睇《志雲尋志雲登陸舞台演嘢會》，又好笑又感動。他在舞台上以獨白形式敘述自己的往事，結果現場泣聲四起，大家都感受到志雲面對挫折時的絕望，但又十分高興看到他能夠克服障礙，再次站起來。今次陳志雲的演唱會名叫《我不是歌手演員會》，究竟搞邊科？以陳志雲的創意，相信必有驚喜！

（本欄逢周一刊登）