主持《歐洲鐵騎遊》憶辛酸史 袁偉豪拍《鐵探》瘦到皮包骨

袁偉豪（Ben）和張振朗主持的旅遊節目《歐洲鐵騎遊》明晚播出第二集，二人駕着鐵騎在被喻為全世界最美的路段上風馳電掣，並到意大利最高的露台打卡，欣賞加爾達湖的無敵靚景。

其後，Ben和振朗暢遊意大利小鎮，邊歎咖啡邊回顧昔日「搏命」的日子。Ben坦言30歲到38歲期間，將身體嚴重透支，並拿出拍攝劇集《鐵探》時皮包骨的照片，自嘲當時似足「道友」。他坦言拍完該劇後，身體狀況大不如前，就連去到欄杆前亦腳軟跨不過，「香港先生操番嚟啲肌肉無晒！」至於振朗則透露在某年台慶扮馬騮，「當時喺無戴腰封嘅情況下就飛身撻咗落張枱度，嗰下知道大鑊喇，但都要死頂做埋落去，第二日即刻去睇醫生。」