寫親筆信回覆粉絲 周慧敏《大時代》冧盡內地千禧後

周慧敏（Vivian）昨日與陳嘉倩出席保健食品活動，保養得宜的Vivian依舊fit爆，「我細個時好多頭髮，依家髮量係以前嘅三分二，但食咗保健食品後，發現生咗新頭髮出嚟。」她近日忙於回信給粉絲，「每封信都親筆寫，計過覆22封信要用五個鐘。」她自爆收到不少內地千禧後的粉絲來信︰「佢哋疫情時搵港劇睇，睇到《大時代》認識我，之後又聽我啲歌，仲話好遺憾唔喺我嗰個年代認識我。」

同場的陳嘉倩正策劃二手衫義賣，包括主播年代的服裝，「有啲衫着過幾次，都適合OL，加埋有幾百件，唔想浪費又環保。」她直言不會義賣二手泳衣及內衣，「我唔識游水無乜泳衣，內衣褲就係衞生問題。」可會擔心有宅男高價購下她的服飾？嘉倩說︰「我唔驚，佢哋幫襯當然歡迎。」

採訪︰梁紹明