靚仔胞兄名草有主 魏浚笙拒絕阿正做大嫂

魏浚笙（Jeffrey）及P1X3L成員歐鎮灝（George）昨日出席潮牌活動，Jeffrey本月尾將參與沙灘音樂節，屆時會否穿泳褲上陣？他笑言︰「背心都OK，泳褲就未必喇！（肌肉走晒樣？）係走咗少少，但如果操肌，三星期都可以操番嚟。」早前Jeffrey公開靚仔胞兄真身，引來DJ好友黃正宜（阿正）多番求介紹，Jeffrey笑說︰「阿哥有女朋友喇，我都有畀相阿正睇，只不過佢個心仲喺阿哥度。（兩兄弟邊個靚仔？）我一向覺得阿哥靚仔啲，佢輪廓突出啲。」他笑言身邊不少女性朋友要求結識哥哥，「阿哥專注工作，而且佢名草有主，大家唔好打佢主意。」

此外，P1X3L曾透露快將約滿環球，而近日環球高層Duncan離職，問George會否擔心未來動向？他透露公司曾承諾明年為組合舉行音樂會，同時亦有個人單曲；對於有高層離職，他第一時間反問︰「唔會炒我哋啩？」他不知誰會接任高層，但希望公司能兌現之前的承諾。採訪、

攝影︰Pauline