一起走過︳麗莎憶「昏睡」11年從冇想放棄 「見阿仔喺我身邊就唔想死」

港台合共三輯的節目《一起走過》日前播出最後一集，主持人楊紹鴻專程到新加坡，訪問一代粵語歌后，年過70歲的麗莎（原名黃煥嬋）。麗莎訴說患病「昏睡」11年的經歷，她沒有放棄，結果奇蹟地康復過來，重新適應生活時，對卡拉OK及演唱會等大感陌生，在機緣巧合下再次踏上舞台上獻唱。

{{hket:inline-image name="320506594_645896013887817_411248908718302104_n.jpg"}}{{/hket:inline-image}}

{{hket:inline-image name="01061003.jpg"}}{{/hket:inline-image}}

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

麗莎是經典金曲《相思淚》的原唱者，《百花亭之戀》亦是其首本名曲。麗莎自1975年後退出娛樂圈，返回老家新加坡結婚、營商，1989年生意失敗兼損失慘重，身體開始出現問題。她表示：「當時擔心5歲阿仔畀人照顧會受虐待，所以帶埋佢返工廠，唔知點解佢成日喊，我返工又唔夠瞓，一直咁樣捱落去...成日暈，好辛苦又壓力大，終於有日真係暈低！睇醫生後返屋企上瞓床，我唔係植物人，只係頭暈又起唔到身，我個人係有知覺，全靠媽媽照顧起居飲食。」

一起走過︳林利憶做健身中心店長曾被潑屎 初出道扮型行彌敦道博人認得【下一頁】

麗莎指當年腦抽筋，眼睛張不開，醫生卻找不出病因，給她服用放鬆神經的藥，情況有所好轉，「屋企人扶我去複診，醫生唔畀我長期服用嗰隻藥，話會食上癮。我隻眼擘番開，佢堅持停藥。咁返到屋企就嚴重抽筋，繼續瞓床咁多年...睇醫院腦部專科，梗係相信醫生嘅意見，我諗住瞓喺床度會慢慢好番，瞓咗唔知8年定9年！（諗過放棄？）冇！日日祈禱叫主耶穌畀我起身，佢係咪聾咗聽唔到？直至媽媽喺1997年離開，我就喺1999年有起色，阿仔當時16歲大個仔，佢放學返嚟就買嘢畀我食，我阿媽生前教晒佢點樣照顧我。我冇放棄自己，見阿仔喺我身邊就唔會想死。」

一起走過︳胡楓憶77年拍風月片皆因耳仔軟 無謂大驚小怪：何止我一個【下一頁】

最後是如何康復的？她說：「好奇怪，媽媽離開後，我身體開始好番啲。屋企人帶我去睇家庭醫生，同佢講腦科醫生畀過一種藥，我食咗就神經放鬆，家庭醫生照開嗰種藥畀我，病情就好轉...如果當日腦科醫生繼續畀我食，可能唔使冤枉瞓咗10年？（同時代脫節？）會啦，醒番之後，好多嘢都唔識，唔知卡拉OK係乜嘢，仲以為火龍果係花，唱片就變咗CD。」因為好奇而去卡拉OK，見識一下，竟被曾任樂隊伴奏的老闆認出，成為再次上台表演的契機，「叫我試吓返出嚟唱歌，我問歌酬有幾多？佢話我而家唔係歌星，唔收得人哋咁高價錢，叫我收新加坡幣200元（當年兌港幣不足1,000元），我又要置裝上台，只係賺到幾10蚊...當有人知道呢個價就可以請到我，陸續有好多機會。有次老闆撞到凌霄（新加坡歌手），話想搵我開演唱會，嗰陣唔知演唱會係乜嘢，原來唔係以前上台唱三首歌，係要唱好多首，咁就去見凌霄嘅老闆，價錢仲幾好添，就正式復出歌壇。」

今時今日麗莎精神奕奕，回望過去起跌，她不要病痛，不會再做生意，繼續上台唱歌就滿足，「自己人生好似一齣戲咁，其他人平平淡淡到老，我有好多曲折，瞓咗10年後連卡拉OK都唔識。（計劃去香港開騷？）2024年再去香港，今年要搬屋要裝修，冇時間去練歌。」

（↓點擊放大睇圖片↓）

此外，楊紹鴻稱，天下無不散之筵席，每齣戲總有落幕時，趁最後一集要多謝《一起走過》的幕後同事，三代主持人江美儀、寶珮如及文頌嫻，與及一眾受訪嘉賓及聽眾的支持。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】