一起走過︳高雄憶昔日被無綫玩足2年冇劇拍 《007》試鏡輸曾江感心服口服

現年77歲的資深演員高雄，於1968年投考邵氏訓練班而入行，在娛樂圈打滾逾50多年，較為人熟悉的電影電視作品，除了《蝶變》、《地獄無門》、《霍東閣》、《精武門》及《新紮師兄1988》，當然還包括拍過的荷李活大片《轟天炮4》及《火星任務》。高雄這日接受港台《一起走過》主持人楊紹鴻、文頌嫻訪問，大爆早年同無綫簽一年一騷合約，兩年來慘被投閒置散零收入；更提到同曾江試鏡《新鐵金剛之不日殺機》，他本人是輸得心服口服。

{{hket:inline-image name="11211002.jpg"}}{{/hket:inline-image}}

{{hket:inline-image name="11211004.jpg"}}{{/hket:inline-image}}

同場加映：超能使者丨陳山聰多產又高質成視帝大熱 黐家全因老婆：後生梗係出去玩

{{hket:ul-video id="7025"}}{{/hket:ul-video}}

高雄近年主力內地工作，今次以一頭銀白髮示人，相當之精神。主持人楊紹鴻在節目內聲稱早年虧欠了高雄，事緣2006年亞視《香港奇案實錄》其中一個單元《屋邨狂父斬頭》，快將約滿無綫的高雄很喜歡這個劇本，同高層經過爭取後，允許幫亞視客串，但同時繼續簽約無綫，可惜發生不愉快事件。高雄表示：「我永遠記喺心裏面，唔係你欠我，係我欠你，因為我哋當時傾好晒條件，同TVB仲有少少時間合約未完，所以應承咗完約先過亞視，點知後來發生咗突發事件，我同楊紹鴻講唔簽得約，就同佢拍呢三集戲…我哋係想去探討呢件真人真事，我好鍾意呢個劇本，當年應承咗之後有幾個老友同我講，拍呢個搵唔到錢又影響形象，但我做戲只係針對戲，我唔理自己形象。」

一起走過︳謝寧被爆拍劇遭男主角博懵掃胸 完全無印象：原來畀人恰過【下一頁】

高雄當日被高層召見，他表明不會同亞視簽長約，純粹幫朋友是出於道義，「結果亦因為呢單嘢，我畀佢玩咗兩年，亦都係呢兩年畀咗機會我喺國內殺出一條路，呢個係我都估唔到。（因為簽TVB係一個騷，唔明白點解佢肯簽，被綁兩年但一個戲都冇得做，白坐了兩年）錯有錯著…。（基本上冇收入）國內工作就冇問題，拍完呢三集戲，超過10日後先抽離到，三集都係兩父女嘅戲…。（發誓話嗰班人喺度就唔返去）呢個世界冇話冇咗邊個唔得嘅…，無論大細公司都好，你自己簽約喺呢間機構裏面，呢個人就係你公司嘅資產，雖然你畀一個騷或一蚊都好，點解唔好好利用呢？（咁樣投閒置散）人生就係咁樣，亦因為咁曲折離奇嘅嘢，令到個人仲更加成長得快，經得起考驗。」

（↓點擊放大睇圖片↓）

提到當年試鏡《新鐵金剛之不日殺機》輸給曾江，高雄笑言：「心服口服，係《007》演韓國將軍角色，但佢英名叻過我好多。我哋兩個喺酒店試鏡，結果係佢中咗、我唔中，唔止兩個人去試鏡。據我所知每部西片若果要搵亞洲人演出，唔單止喺一個地方搵，係經過幾重關卡。（早已被人認同）真係感恩，冇枉費幾十年演戲，特別最後呢部《火星任務》，嗰時啱啱返溫哥華，朋友話有啲演員喺國內，有啲又唔出得嚟，佢即係畀段對白我講，錄完當晚話我得到個角色。希望日後遇到更加好嘅故仔，我喺香港50幾年，都冇任何提名，我入行都唔係旨在攞獎。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】