一起走過︳胡楓憶77年拍風月片皆因耳仔軟 無謂大驚小怪：何止我一個

90歲胡楓（修哥）入行近70年，上月在紅館舉行《修哥90迎金秋 無限楓騷演唱會》，在台上展示個人魅力。修哥這日在十一哥（何國材）陪同下，接受港台《一起走過》主持人楊紹鴻、文頌嫻訪問，分享他在娛樂圈多年的經歷，當中最特別是被追問1977年拍攝風月片《財子名花星媽》的原因，皆因該片截圖早前被人在網上瘋傳。

{{hket:inline-image name="315500664_838949687490903_8898889779093290302_n.jpg"}}{{/hket:inline-image}}

{{hket:inline-image name="12051005.jpg"}}{{/hket:inline-image}}

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

修哥指當年在報紙見到招考男女主角，於是寫信去投考，結果獲得面試機會，第二日電影公司老闆便跟他簽約，處男作是跟芳艷芬合拍的《男人心》。修哥說：「獲選又唔係我靚仔，總言之好彩……拍攝時芳姐冇畀壓力，唔單止冇壓力，仲好鼓勵我，叫我自然啲，講對白好似傾偈咁，唔使驚嘅。（芳艷芬當年已走紅？）啲人想同佢拍戲都難，所以我非常之好彩，有芳姐扶持我，佢係『花旦王』，齣戲仲有『丑生王』梁醒波傍住我。」

一起走過︳高雄憶昔日被無綫玩足2年冇劇拍 《007》試鏡輸曾江感心服口服【下一頁】

入行至今拍過無數電影，修哥在1977年同邵音音、艾蒂、凌黛及潘冰嫦合演，呂奇做導演的風月片《財子名花星媽》，戲中他有床上戲，邵音音更露點演出，早前被人重提舊事。修哥說：「佢露兩點，唔關我事……（為藝術犧牲？）呢啲唔係藝術，只係演戲，明白嘛？嗰時咁演，的而且確係風月片，呢個唔緊要。（是個好好回憶？）唔係，話畀你聽，我拍咩都好，都冇乜回憶。（為何接拍？求突破？）有時啲嘢係耳仔軟。嗰時我未識邵音音，耳仔軟係好簡單，導演叫做就照做，我係演戲吖嘛！（事前講明有床上戲？）應該冇……演戲嘅嘢無謂大驚小怪，老實講好多人拍過呢啲戲，何止我一個，演戲唔使大驚小怪嘅。」

（↓點擊放大睇圖片↓）

至於人生有否後悔事情？修哥話：「有，有時後悔對媽媽唔夠孝順，會諗點樣孝順佢更加好，同埋對太太生前點樣做會更加好，除咗對媽媽、太太有後悔之外，可以講『九十冇悔』。（有想過退出娛樂圈？）有，有陣時眼瞓到不得了，拍古裝又要打，會諗係咪要咁辛苦呢？只係希望喺冷氣房沖個涼同瞓覺，點知拍完之後興趣又嚟。其實都只係嗰一刻，如果唔係鍾意做呢行，都唔會做到而家，做嘢對一個人嘅身體健康或者頭腦，都會有好嘅影響。（打牌令人轉數快？）已經戒咗，因為有一晚我打完牌，見到太太一個人睇電視，我個心好唔安落，嗰時一個星期打兩、三晚，打到點幾鐘，總之而家就唔打。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】