一起走過︳劉緯民被無綫雪藏主動提出解約 遭鍾景輝阻止 大半年做茄哩啡

現年72歲劉緯民是無綫第一期藝訓班學員，傳因不獲派重要角色而跟高層爭吵，1975年約滿即轉投麗的（亞視前身）發展，在《十大奇案》及《大家姐》有不錯演出，完約後又過檔佳視，負責藝員科的工作，可惜佳視因資金問題倒閉。劉緯民於78年重返麗的，先後拍過《變色龍》、《奇女子》、《陳真》及《少女慈禧》等經典劇，是電視台當家小生，他於85年拍完《大千小傳》後退出幕前，並轉行營商至今。劉緯民這次接受港台節目《一起走過》主持人楊紹鴻、文頌嫻訪問，解釋離開無綫及急流引退的原因。

{{hket:inline-image name="11021004.jpg"}}{{/hket:inline-image}}

{{hket:inline-image name="11021002.jpg"}}{{/hket:inline-image}}

同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

劉緯民早期加入九龍電影公司拍粵語片，同于洋被捧為新晉小生，可惜粵語片已踏入沒落期，不足一年時間公司便結業，機緣巧合下獲姜中平安排，和孟海家姐孟秋報讀TVB第一期藝訓班。提到有傳畢業後不獲安排演出重要角色，而跟無綫高層發生爭吵，劉緯民說：「要否認先，其實電視圈都有『埋堆』，我嘅性格唔鍾意『埋堆』去求人，專心做自己嘢，有個交代就算。喺無綫最大一次嘅爭吵就係拍廠景時，當年未有手提電話，咁就問咗劇組仲有兩場戲先到我，於是行開去打個電話，諗住兩場戲起碼拍半個鐘，點知落返嚟全廠熄晒燈，行去問做咩事，話『收工啦！導演因為你唔喺度就即刻收工』，嗰刻覺得有冇咁緊要，好似將件事誇大咗。」

一起走過︳麥潔文77年選港姐同朱玲玲鬥靚 首度爆入圍15強後退選真正原因【下一頁】

劉緯民第二日返工即被公司高層「照肺」，去到寫字樓時，「我解釋當時問過劇務，仲有兩場先到我拍，咁我先上去打電話，我做咩都好有分寸。如是者喺公司有個唔好記錄…後來同公司講大家既然都唔開心，我就提前解約。（咁小事解約？）唔係，因為係好唔開心，呢件事隔咗2、3個月後，係冇人用你，叫做入咗『雪櫃』，後來同King Sir（鍾景輝）講不如提前解約，佢話唔得，一定要我做到約滿。（約滿前不斷有工作？）冇，都係茄哩啡角色。（覺得唔服氣又唔開心？）係無奈，始終我簽咗約，差唔多仲有大半年約…」

入行逾50年︳羅樂林自評演佳視版楊過最失敗 做大龍生靠誇張過火吸引觀眾【下一頁】

提到在麗的及亞視年代演過好多經典角色，劉緯民喜歡《少女慈禧》內飾演的李樂天，覺得自己交足功課，加上劇本出色及同劇的劉雪華、伍衛國、王偉等互相有交流。至於當年憑《陳真》（梁小龍版本）飾演的柳生靜雲，獲傳媒頒發「十大電視明星金球獎」一事？他說：「呢個角色都鍾意，係做一個好特別嘅日本浪人，獎項到而家嚟講都係過眼雲煙。」

（↓點擊圖片放大↓）

演藝事業發展順利之際，劉緯民於1985年拍完《大千小傳》就引退，轉行做珠寶貿易生意，「香港唔係好似外國70歲仲可以做男主角，當時覺得唔可能再飆升到自己滿意位置，係咪值得再留戀呢個圈子？一個男人到40歲如果冇自己事業，過咗40歲之後一事無成就會頹，如果喺娛樂圈做到唔如意，嗰個年紀先轉行就變得兩頭唔到岸，不如早啲腳踏實地，做戲睇唔到自己將來。（冇後悔轉行？）冇！人最怕要做好嘅決定，其實係決定好之後，就要做到你自己最好為止。（有冇諗再拍劇？）好多人問過我，都要睇緣分，若果有好嘅劇本嘅話。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】