一起走過︳麥潔文77年選港姐同朱玲玲鬥靚 首度爆入圍15強後退選真正原因

現年67歲的麥潔文曾是本地樂壇的當紅歌手，代表作有《夜夜痴纏》、《斷》及《勁舞Dancing Queen》等，92年下嫁江華後淡出幕前，專心相夫教子。麥潔文早前接受港台《一起走過》主持人楊紹鴻、文頌嫻訪問，親自解開77年同朱玲玲鬥靚選港姐，入圍15強後退選的真正原因，及對老公江華的感覺等。

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

{{hket:inline-image name="1024_22d4b8b0d8a85b22d9cd74f4e79c35f9saasftp20200221.jpg"}}{{/hket:inline-image}}

{{hket:inline-image name="10263002.jpg"}}{{/hket:inline-image}}

麥潔文於1977年22歲時參加港姐選美，同屆對手有「最美港姐」稱號的朱玲玲及余綺霞等，但她入圍15強之後，卻以身體不適為由退選。當年參加港姐的原因？麥潔文說：「嗰時都係順媽媽意思，好多人都係咁樣。（當年是否扮病退選？）我冇講過呢件事，點解呀？因為唔係好鍾意參加港姐，第一覺得自己唔靚，唔係真係靚，當時仲有朱玲玲喎。（計過自己不入三甲怕輸？）我唔係驚輸，覺得冇咩所謂，對我嚟講冇咩義意…，老實講阿媽同我報名叫我去，都覺得自己係唔得，所以過程好從容，變咗出嚟好自然，評判見到我就覺得呢個好自然，咁就俾我入圍15強。成個過程冇諗住要得到任何嘢，冇爭勝性，好從容之下入埋15強。（媽媽有否好失望？）咁我落唔到床，咁點呀？（媽媽不知道扮病？）冇人知，而家先爆，唔知無綫知唔知，我又冇醫生紙，可能嗰陣時唔需要。（參選時沒有簽合約？）冇嘅…我已經唔記得咗，應該係你唔去得第二間電視台…，我而家咁爆咗會唔會被人話？」

【自願走上前線】乖仔做護士入隔離病房工作 麥潔文唔擔心：我引以為榮【下一頁】

麥潔文認為自己退選又無得到任何利益，只記得當年有人形容她是「黑馬」，並不算是大熱門，很驚會爆冷跑出。至於當年是否一心想做歌手？她話：「又冇，嗰時未發掘到唱歌呢方面，跟住覺得唔好玩啦，着咗一次泳衣已經覺得唔係好自然，又要再嚟多一次喺台上行嚟行去？所以係有啲唔慣，我唔係嗰類型，始終係比較保守嘅人，性格有少少自我，不過都係好事。」

（↓點擊放大睇圖片↓）

提到之後參加無綫舉辦《業餘歌唱比賽》，麥潔文表示：「因為好玩同埋朋友一齊去，嗰啲又唔使着泳衣。（無綫沒有追究上次退選？）冇提過，可能佢哋唔知，香港小姐係有人同你化妝，化妝出嚟個樣有啲唔同，唔係好認得我。（個人資料一樣？）唔知佢哋點解會咁，可能當時電腦冇咁先進，以為同名同姓…，講起化妝，去到參加歌唱比賽又唔同港姐，係要你自己化妝，嗰晚唇膏都冇帶去，化妝只係幫我打粉底，我眉又冇畫、又冇搽唇膏就上台，所以話我呢啲材料點做港姐，咁唔志在自己外貌。」

麥潔文正式加入娛樂圈後，曾效力亞視一段時間，因此認識江華並結婚，二人育有一子一女。追問江華給她第一眼的感覺？麥潔文說：「覺得佢好似我哋屋企人。（感覺似劉德華？）唔係，一啲都唔覺，覺得佢好似家人嘅感覺，好似親人咁，同一個血統類型嘅人。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】