日做1.5小時運動保身材 林夏薇曬Y字事業綫

林夏薇（薇薇）昨日現身醫學美容品牌代言活動，谷胸大曬「Y」字形事業綫的薇薇，自言拍攝廣告時每一條綫條，包括腹肌、人魚綫都得來不易。她自爆向來勤力做運動，每日至少做一個半小時運動，又會做機保養身材。問及上圍上升多少cup？她笑言︰「我無為意，但鞭策自己唔可以懶惰。」

薇薇去年憑《七公主》首嘗視后滋味，今年她雖未有入圍，但表示睇好《回歸》陳煒及《白色強人II》胡定欣奪視后︰「我買重定欣，大家好好朋友，今年戥佢緊張，上年我係過來人，今年會喺屋企睇，心態好啲。」另外，對於香港與內地通關在即，她透露家人早前已來港︰「我同屋企人四年無見，今年終於可以喺新年團聚，通關後會更方便，自己亦希望返內地工作。」