為免重蹈覆轍 陳瀅性感現身着4條打底褲

陳瀅昨日到尖沙咀商場出席聖誕亮燈活動，身穿桃紅色低胸高衩晚裝到場，大騷白滑肌膚及一雙玉腿。早前她出席《美麗戰場》宣傳活動時疑似走光，為免重蹈覆轍，陳瀅全程小心翼翼，更自爆着了四條打底褲兼上下黐滿膠紙，做足安全措施︰「仲唔驚呀？上次係有啲失手。」

另外，陳瀅透露會返溫哥華與家人歡度聖誕，預計逗留加國兩星期，之後返港準備出席明年一月的台慶頒獎禮。提到新劇《新四十二章》被抽起，「宿敵」龔嘉欣無緣憑該劇角逐獎項，但陳瀅不認為自己呼聲變高。她笑言︰「我最想同最有信心攞最佳衣着獎，冧莊就最威，不過仲未準備戰衣，因為我驚去完日本同溫哥華返嚟肥咗着唔落。」被問到加國之行，會否參加舞會去結識異性？陳瀅笑言︰「家姐話帶我去拉斯維加斯，睇下有無鬼仔可以媾？哈哈！其實我好傳統，鍾意同中國籍男仔拍拖。」

採訪、攝影︰Pauline