揮低一眾「造星女」率先跑出 葛綽瑤發誓唔同姜濤傳緋聞

ViuTV青春偶像劇《季前賽》今晚大結局，劇中「河馬」葛綽瑤（Yoyo）與「阿孝」姜濤的感情綫相當搞笑。首次拍劇的Yoyo，頭炮便跟萬人迷姜濤合作，為了安撫「姜糖（姜濤粉絲）」，Yoyo笑言跟姜濤在劇中僅限於「BB級」親密，更斬釘截鐵表示不會跟對方傳緋聞，認真用心良苦。

參加《全民造星IV》出道的葛綽瑤多才多藝，擁有八級芭蕾舞資格，亦曾加入合唱團及學習聲樂，加上甜美外表，難怪出道不久便被安排參演《季》劇。Yoyo在劇中除了與姜濤有大量對手戲，還與MIRROR成員陳卓賢（Ian）、呂爵安（Edan）及邱士縉（Stanley），以及ERROR的郭嘉駿（193）和梁業（肥仔）等合作，加上搞笑擔當張繼聰，熱血男兒在籃球場上揮灑汗水，吸引了不少年輕粉絲追看。

Yoyo自言得悉有機會拍劇時，心情既驚且喜，擔心自己應付不來，直至劇集拍攝完畢，又期待播映日子；身為演戲初哥，她自言仍有很大的進步空間，亦感謝導演袁劍偉的細心教導，讓她可以自由發揮。對於揮低其他「造星女」率先跑出，Yoyo直言沒在意誰是第一個，「其實我參加《造星IV》都係因為有戲劇元素，但我都唔知點解佢哋會揀中我，可能劇入面『河馬』呢個角色比較活潑，性格亂衝亂撞，比較天馬行空，同平時比賽嘅我有少少唔同，所以導演就搵我試下。」

張繼聰爆肚要忍笑

雖然劇中演員陽盛陰衰，跟一班男生朝夕相對，Yoyo沒有感到不習慣，「我哋空檔時會成班演員一齊食飯，討論下劇情，佢哋有時會問下女仔嘅立場係點，我又會答下，阿聰前輩又會分享佢嘅經驗畀我哋知，呢樣係我嘅意外收穫，無諗過工作期間可以學到咁多嘢。同埋阿聰前輩成日爆肚，搞到我要忍笑，但我笑點又低，真係忍得好辛苦。」

提到跟姜濤的感情綫成為全劇焦點，Yoyo即十分緊張，「我哋只係輕微BB級感情綫，親熱戲都係BB級。」是否因擔心傳緋聞，所以跟對方保持距離？她說：「無做過又唔使驚嘅，我哋光明正大，因為嗰啲親熱鏡頭都係好表面，係角色同劇本需求啫。」不過她反而擔心會傷及姜濤，皆因飾演軍醫的她，要替對方針灸，「我攞住支針，最驚拮到佢，我自己唔係好驚，因為以前跳芭蕾舞成日要去針灸，寧願被人針嗰個係我。」

化粧︰Choco Wu @chocowu_makeup

髮型︰Terrence Chan @terrence_chann

服裝：@majeparis

撰文︰倪小珊

美術︰梁政敏

攝影︰Alma