《愛•回家》「李莫仇」張詩欣月尾出嫁

在處境劇《愛•回家之開心速遞》中飾演「李莫仇」的張詩欣，去年尾宣布與任職無綫攝影師助導的男友陳家勝結婚，昨日詩欣上載多張過大禮的相片，聘禮鋪滿整張枱。她留言︰「終於過埋大禮啦，又完成一樣，要準備打大佬啦！」待嫁心情既興奮又緊張。

詩欣接受本報電話訪問，她透露將於本月底行禮，受惠於政府放寬防疫措施，籌備婚宴亦輕鬆不少，「本身擺酒場地要間房，氣氛一定無咁好，同埋新人march-in（進場）就有少少麻煩。依家好彩放寬，可以好靚咁喺場地度march-in，又唔使八人一圍，可以如常咁擺酒！」