相隔5年紅館騷喪跳 草蜢即興邀容祖兒合唱

草蜢一連四場《RE︰GRASSHOPPER草蜢演唱會2022》前晚在紅館開鑼，草蜢三子以年過55之齡，在台上挑戰體能極限，載歌載舞三小時，全場氣氛高漲。坐在台下看騷的容祖兒，被蔡一傑即興邀請合唱，掀起全晚高潮。

草蜢前晚以一身華麗服裝亮相，獻上連串經典快歌《三分鐘放縱》及《紅唇的吻》等揭開序幕，炒熱全場氣氛。三子呼籲大家不要留力，盡情尖叫狂跳，蘇志威表示︰「五年前無諗過要五年後先開到演唱會，希望下次係五個月後，大家都唔知聽日會發生咩事，今晚最緊要開心。」

疫情下，觀眾都戴着口罩入場，蔡一傑話︰「希望可以盡快掃走病毒，大家都唔使再戴口罩。」到鳴謝環節，蘇志威為答謝贊助商支持，突然脫掉外套，露出內裏的白色透視恤衫，身上腹肌若隱若現，他笑言︰「係咪最好連恤衫都除埋？」蔡一傑即插嘴︰「除衫就唔係呢個價錢㗎喇！」蘇志威則一臉得戚︰「估唔到呢個年紀都有六嚿腹肌。」

祖兒搞笑補唇膏

個唱至尾聲，蔡一傑得知容祖兒、蘇永康、黃子華及關心妍等在台下欣賞，他即邀請祖兒合唱，祖兒爽快答應，不過她先擰轉身補一補唇色，惟她因沒有做快測而不能上台。祖兒表示︰「其實頭先我都有同你哋合唱㗎！」最終四人只有隔空合唱一曲《怎麼天生不是女人》，全場high爆。

另外，在MIRROR紅館演唱會綵排時受傷的舞者羅德智（Zisac），前晚在社交網上載一張在紅館的自拍照，並留言︰「睇自己排嘅舞放上紅館，好緊張。」

撰文︰倪小珊

美術︰梁政敏