否認僭建上圍 李靜儀自認「小饅頭」

李靜儀（Heidi）及衛詩雅昨日現身頒獎活動，曬腿的Heidi正努力學功夫，準備稍後拍攝動作片︰「我學緊一招騎上男人身上，然後用鉸剪腳撻低佢，我本身都好想學功夫防狼。」早前Heidi在網上大曬泳照，有網民指她上圍較以前豐滿，疑似再發育，又指她樣貌跟以往不同。

Heidi笑着解釋說︰「係咪話我靚女咗呀？可能因為長頭髮加上做緊美容療程，我無整容；身材方面，我不嬲都係『小饅頭』，可能影相角度問題，有少少陰影，睇落覺得有啲唔同。」同場的衛詩雅近來頻頻花錢，不但花五位數字搬屋，昨日活動前又不慎跌爛電話，工作後要立即趕往買新電話。

採訪、攝影︰Pauline